Angola esili koleka mondelo ya million yoko ya bato kozua manguele ya bobundisi Covid-19

Na basango ya covid, Angola esilaki kotalisana mokolo mua lundi eye ete motango 1,750 million ya bato basili kozua maguele to vaccin contre Covid-19, wuta ebandeli ya mabongisami ya bopesi manguele na sanza ya 3 ya mobu moye tozali.

Pe kolandisama secrétaire d’État na Santé publique, tata Franco Mufinda, na bozui naye maloba na liyangani ya mokolo na mokolo ya mambi matali covid, atalisaki ete kati na motango yango, 706.173 ezali ya baye basili kozua dose ya yambo ya manguele pe 294.577 ne ya baye bazui dose ya ibale. Pe asilaki kobakisa koloba ete pona mabongisami ya bopesi manguele, Angola esilaki kosomba motango 6.000.000 ya ba doses ya Spoutnik V pe lisusu kozua na nzela ya initiative Covax elongo na gouvernement ya ekolo China, 824.000 doses ya Astrazeneca pe Sinopharma.

Naboyebi ete mabongisami ya sika esili kolengela kopesa manguele na mbala eye na motango pene na 15,7 millions ya bana na Angola kozalisama na mibu ya mbotama koleka 16 to baye bazali na plus de 16 ans, na tina ya bokitisi maotango ya bakufi pe ba cas ya sika ya Covid-19 kati na ekolo, na boye ekolo ekozongela na lombango misala na lolenge ealaka na kala.

Esengeli koyeba  ete Angola esilaka komonisa ba cas 2 ya yambo ya positif ya Covid-19 na mokolo na  21ya sanza ya 3 ya mobu 2020.

Fina na nse oyoka manso

Liziba ya sango: RNA/Canal Internacional-Jornalista Paciência Lumpitumuni Passa