Molandi ya tata mokonzi ya ekolo, tata Bornito de Sousa, asili koyingisama o ekolo Zambie poya bozalisami na milulu ya botiami na ebonga ya mokonzi ya sika ya ekolo Zambie, tata Hakainde Hichiléma.

Nabasango ya ekolo, molandi ya tata mokonzi ya ekolo, tata Bornito de Sousa, asili kolengela kozalisama na mokolo na ibale eye, na kombo ya tata mokonzi ya ekolo, João Lourenço, na milulu ya botiami na ebonga ya mokonzi ya sika ya ekolo Zambie, tata Hakainde Hichiléma.

Naboyebi ete tata Bornito de Sousa asilaki kokita na mabele ya engumba mokonzi Lusaka, o ekolo zambie, na mokolo mua lelo elongo na yoko délégation epayi wapi esili komonisama  secrétaire d’État na mambimatali bapaya, Esmeralda Mendonça, pe ba hauts fonctionnaires  ya cabinet naye.

Esengeli koyeba ete milulu ya botiami na ebonga ya mokonzi ya sika ya ekolo Zambie ekosalema na libanda ya massano to Heroes Stadium, o engumba mokonzi Lusaka, o liboso ya bayike ya bamonisami ya bikolo pe mburamatari ya bikolo elonga na bakambi ya ekolo Zambie.

Naboyebi ete Heroes Stadium ezali na yoko makoki to capacité ya bifandelo nkoto tuku mitano to 50.000 places pe esili koponama poya bokanisi to bopesi hommage na likamaq ya mpepo eye esila kokomela babeti ndembo ya  équipe nationale ya ekolo zambie na mokolo na le 27 avril 1993 o kati ya océan Atlantique, epayi wapi babeti ndembo banso ya equipe nationale ya ekolo yango basilaka kokufa na likama yango.

Fina na nse oyoka manso

Liziba ya sango: RNA/Canal Internacional-Jornalista Paciência Lumpitumuni Passa