Nabasango ya ekolo, tata mokonzi ya ekolo, asilaki kopesa na mokolo mua lelo, yoko message na bana ba ekolo na tina ya Commission eye esili kotiama na mosala poya mambi matali réconciliation nationale

Tata mokonzi ya ekolo João Lourenço, asilaki kopesa na mokolo mua lelo, mokolo na misato ya poso, mokolo na 26 ya sanza eye ya 5, yoko message na bana ba ekolo na mabongisami ya Commission eye esili kotiama na mosala poya mambi matali réconciliation nationale na bokanisi bakufi to pe ba victimes ya bozangi boyokani to pe conflits politiques kati na ekolo Angola. Naboyebi ete lisikulu yango esalemaki na ngonga ya 17 ya mokolo mua lelo, na nzela ya bililingi pe radio.

Esengeli koyeba ete na sanza ya 5 ya mobu 2019, tata mokonzi João Lourenço asilaka kosala, na nzela ya yoko décret présidentiel, Commission ya boyokani to pe réconciliation ya bokanisi to ba victimes ya ba conflits politiques, miye milekaka kati na ekolo Angola, kati na mokolo na 11 ya sanza ya 11 ya mobu 1975 kino mokolo na 4 ya sanza ya 4 ya mobu 2002.

Naboyebi ete Commission yango ezali kokambema na ministre ya bosembo pe ye asilaki kosala lokasa to Plan ya réconciliation eye ezali kobongisa botongami ya yoko mémorial poya bokanisi bakufi ya bozangi boyokani ya politiques miye misalela kati na ekolo, pe yango ekosalema na município ya Sambizanga, awa o engumba mokonzi Luanda. Pe kaka plan yango ezalisami na mabongisami ya bobimisi mikanda to pe ba certificats ya décès ya bakufi ya conflits politiques o ekolo Angola. Fina na nse oyoka masolo  yango

Liziba ya sango: RNA/Canal Internacional-Jornalista Paciência Lumpitumuni Passa.