Tata mokonzi ya ekolo, João Lourenço, asilaki kozua longonia na mokolo na mitano moleki, kowuta na Union africaine, na lifuti ya reconnaissance na bakonzi ya bikolo pe mburamatari, baye bikolo na bango misila kondima bokelami ya zone ya libre-échange continentale africaine (ZCLCA).
Naboyebi ete milulu yango esalemaki na nadako ya organisation continentale. Pe lifuti to pe prix yango esilaki kopesama na maboko na momonisami to pe Représentant permanent ya ekolo Angola na Union africaine pe ntoma ya Éthiopie, tata Francisco José da Cruz, na kombo ya tata mokonzi ya ekolo Angola, JL.
Naboyebi ete zone ya libre-échange continentale africaine esila kokota na mosala na mokolo na le 1er janvier 2021. Pe Angola ezalisami kati na bikolo koleka 30 minso miye misila kondimama, sima ya botiki mokolo na Commission ya Union africaine na mokolo na le 4 novembre 2020.
Esengeli pe lisusu koyeba ete tata mokonzi, João Lourenço azali yoko ya bakonzi ya Africa ya yambo baye basila kotiya mokoloto na Accord yango, na mabongisami ya liyangani to Sommet ya 10 ya Union africaine, na mokolo na le 21 mars 2018, o ekolo Rwanda, na mabongisami ya lancement officiel ya zone ya libre-échange continentale africaine.
Fina na nse oyoka yango
-
play_arrow
Tata mokonzi ya ekolo, João Lourenço, asilaki kozua longonia na mokolo na mitano moleki, kowuta na Union africaine, na tina ya bokelami ya zone ya libre-échange continentale africaine.
RNA
Liziba ya sango: RNA/Canal Internacional-Jornalista Paciência Lumpitumuni Passa
